Agi lah dulu berambut panjang
Kini berambut nan jejak bahu
Agi lah dulu bukasih sayang
Kini sarupo lah ngidak tau
kayek mandi ke tepian umo
Jangan lah lupo maon kain selai duo
Kami burami dirumah tuo
Menghidup budayo di kampung lamo
baderai hujan di rimbo
Padi-padi baderai jangan
Bacerai kito dimato
Dihati bacerai jangan
Apo di harap ilia ku Jambi
Harap di biduk di ayik dereh
Apo di harap kupado kami
Harap buteduh di kayu anggeh
Apo di harap ilia ku Jambi
Harap di biduk bulantai idak
Apo di harap kepado kami
Harap di tau ku pandai idak
Baumo dalam beluka
Anak siamang dikejar rusa
Kalau biko lah dikota
Jangan lupo kami yang di desa.
Babiduk dalam payo
Singgah manahik aka jihang
Awak buhuk tidak na ado
Macam puman di katon uhang.
Pandai nian buselup jepang
Tali ijau telapak putih
Pandai nian biko bakundang
Ibarat pulau munyisi buih
Itu ku segan baumo di mampun
Padi ku abih di linden batang
Itu ku segan balik ka dusun
Upat puji fitnah datang
Burung ndu inggap di batang
Inggap nyo didahan kawo
Rindu kau dapek ditahan
Rindu aku saparo gilo
Mudik dusun padang duku
Di mudiknyo padang pisang
Bukan ku ndak dengan kau
Hidupku miskin diriku malang
Kalun adik mumancing umbai
Tulung jugo mumancing atap
Kalun adik idak sasuai
Tulung jugo baon bacakap
Tidak ada komentar:
Posting Komentar